صباح الفل ع النايمين
وع القاعدين
على الضالين
وع السامعين
وع الشايفين
ومش فاهمين
صباح الفل ع اللى اتفل
وكان جده يخافه الكل
ويرحم أبوه مكنلوش حل
صباح الفل
يا عيلة تشل
صباح الفل ع النسانيس
وعايزه أى هيصه وتهيص
ووقت الجد فى شبر تليص
عيشة عاتمة ومالها بصيص
صباح الفل على مامى
وعلى دادى ...
وعلى رامى
وعلى شادى
وع ال عايش أهه عادى
صباح الفل ع اللى خلاص
بقى عايش أهه وخلاص
كفاية خلاص
لازم إخلاص
جه وقت الجد ومالنا خلاص
سنيننا الجايه مش محتاجه أى سكوت
ولا بسكوت
أهه بازعق...أهه بأنده بأعلى الصوت
كفاية اصحوا ... دا شئ ملتوت
كفاية اصحوا ... كفاية لا نموت
عـبــد الـقــادر حـيــدر
